Facemos el cambeo

Hai casimente cinco años empicipiemos un viaxe que llamemos «cambeo». Dende l’andén de salida aseñalemos un horizonte que yá ye real. Ta sucediendo. Tamos faciéndolo. Nesti tiempu, el municipalismo y el feminismo demostraron ser los motores de tresformación más potentes p’ameyorar la vida de les persones, pa construír una sociedá más inclusiva, democrática, participativa y diversa.

Pero acercámonos a una estación en vuelta, a una Europa marcada pol avance de dos proxectos qu’ofrecen dos cares d’una mesma moneda: la consolidación neolliberal y l’ascenso de la ultraderecha. Col mapa de lo deprendío na mano, echamos a andar de cara a una parada más onde ye urxente desenvolver alternatives p’articular un proxecto européu construíu na solidariedá, y non na llucha del penúltimu en contra del últimu. Un camín capaz a garantir la democracia, la sostenibilidá, la igualdá d’oportunidaes y derechos y el bien de la ciudadanía. El nuestru tren nun apara. Subi a la Uni.